TELEVISHENI ZOTE ZENYE LESENI KITAIFA SASA KUANZA KUONEKANA KWENYE KING'AMUZI


Mamlaka  ya Mawasiliano Tanzania (TCRA) imesema kuwa televisheni za ndani zitakazoingizwa kwenye ving’amuzi ni zile zenye leseni ya kitaifa tu.

TCRA imesema kwamba zile ambazo leseni zake ni za maeneo kama vile wilaya, mkoa na  kijiji, utaratibu wa kuingizwa kwenye ving’amuzi utaanza Januari mwakani.

Hatua hiyo imefikiwa ikiwa ni njia ya kuelekea kwenye mfumo wa teknolojia ya dijitali ambapo Tanzania itaingia rasmi Januari mwakani na kwamba mitambo yote ya analogia itazimwa Desemba 31, mwaka huu saa sita usiku.

Akizungumza jana kwenye uzinduzi wa tangazo na wimbo wa kuhamasisha uhamaji wa teknolojia ya utangazaji kutoka analogia kwenda dijitali, Mkurugenzi wa Utangazaji wa TCRA , Habi Gunze alisema, utaratibu wa kuhamia dijitali ni wa lazima na si wa hiari.

Alisema televisheni ambazo bado kuingizwa kwenye ving’amuzi kama zile za dini na nyinginezo, zitaingizwa ifikapo Januari mwakani.

Gunze alisema televisheni hizo nyingi leseni zake ni za maeneo, wilaya au mkoa hivyo mchakato wake uko katika hatua ya mwisho kuingizwa.

Televisheni zilizoingizwa kwenye ving’amuzi ni za TBC, ITV, Star, Channel 10 na Clauds.

Aliwataka wananchi kufanya maandalizi haraka ya kuingia kwenye dijitali kwa kununua ving’amuzi na wasidanganywe na watu au mafundi kuwa televisheni zao ni mbovu au hazifai kutumika kwenye mfumo huo.

Aliwataka kununua ving’amuzi kwa mawakala wa kampuni zilizopewa leseni na TCRA na kuwahimiza kuchukua risiti na gerentii ili kinapokuwa na matatizo, wawasiliane haraka na wakala husika.

Kampuni zilizopewa idhini ya kuingiza ving’amuzi ni Star Media, Agape Associates Ltd na Basic Transmitions Tanzania Ltd.

Akizungumza kwenye uzinduzi wa tangazo hilo, msanii marufu nchini, Mrisho Mpoto ambaye ndiye aliyeimba wimbo wa kuhamasisha kutoka analogia kwenda dijitali na  wengine akiwemo Banana Zolo, alisema ni shuhuda mzuri kwa baadhi ya wananchi wanavyodanganywa kuhusu televisheni.

Alisema ameshuhudia wafanyabiashara wakienda vijijini kuwarubuni wananchi kuwa televisheni zao hazitafanya kazi baada ya Desemba 31.

“Sasa wengi wanaona ni bora kupata nusu hasara, hivyo huamua kuziuza televishenmi zao kwa bei nafuu sana,” alisema na kusisitiza kuwa elimu inahitajika kwa wananchi juu ya mfumo huo mpya.Chanzo ipp media

Comments

Post a Comment

Popular posts from this blog

KATI YA KUKU NA YAI KIPI KILITANGULIA?

Image
Kati ya Kuku na Yai Kipi Kilianza? Mjadala wa miaka mingi kuhusiana na kipi kilitokea mwanzo kuku au yai? umepata jibu baada ya wanasayansi kuthibitisha kuwa kuku ndiye aliyekuwepo awali kabla ya yai. Mjadala wa miaka nenda rudi kuwa kuku na yai kipi kilitangulia duniani umepatiwa jibu na wanasayansi wa nchini Uingereza ambao wamethibitisha kuwa kuku ndiye aliyekuwepo mwanzo kabla ya yai. Kwa kuangalia jinsi ganda la yai lilivyotokea, wanasayansi wa nchini Uingereza wanaamini wamepata jibu la mjadala huo. Watafiti katika vyuo vikuu vya Sheffield na Warwick nchini Uingereza wamegundua kuwa protini inayoitwa ovocleidin (OC-17) ni muhimu sana katika kutengenezwa kwa gamba la yai. Lakini protini hiyo hupatikana toka kwenye ovari ya kuku mwenye ujauzito. Kwa maana hiyo yai lisingekuwepo kama kusingekuwa na protini ambayo inatoka kwa kuku mjamzito. Watafiti hao waliongeza kuwa protini ya OC-17 husababisha calcium carbonate kwenye mwili wa kuku ibadilike kuwa calcite crys
Read more

NGUO ZA NDANI ZINAZOBANA KWA WANAUME ZINAATHIRI UWEZO WA MBEGU ZA KIUME KUWEZA KUTUNGA MIMBA

Image
MEN BOXER TAFITI za kisayansi zimebaini kuwa nguo za ndani hasa zinazobana kwa wanaume na zile za aina ya nailoni (nylon) zinaathiri uwezo wa mbegu za kiume, hivyo kushindwa kutunga mimba. Utafiti huo uliofanyika katika nchi za Ufaransa na Uingereza na kuchapishwa katika Gazeti la Daily Mail la Uingereza unabainisha kuwa, wanaume wanaovaa nguo za ndani zinazobana na zile zilizotengezwa kwa malighafi ya nailoni, mbegu zao za kiume (manii) huwa nyepesi na kupoteza uwezo wa kutunga mimba. Vazi la ndani la wanaume linalojulikana kama boksa na nguo nyingine za ndani za kubana zenye asili ya nailoni, zinakuwa na athari kubwa zaidi hasa zinapovaliwa katika sehemu zenye joto, kama Dar es Salaam. Kutokana na matokeo hayo, wanasayansi wameonya kuwa wanaume wanapaswa kuchukua tahadhari, hasa kutokana na tafiti nyingi za karibuni kuthibitisha kuongezeka kwa matatizo ya mbegu za kukosa uwezo wa kutunga ujauzito katika nyumba ya uzazi ya mwanamke. Akizungumzia utafiti huo jan
Read more

MADHARA YA KUTUMIA DAWA ZA SILKONI KUONGEZA MAKALIO KWA WANAWAKE

Image
Madhara ya Dawa za Kuongeza Makalio NEW YORK, Marekani VIDEO iliyoonyweshwa mwishoni mwa wiki katika mitandao mbalimbali ya kijamii, ambayo ilielezea madhara ya taratibu anayoyapata mwanamke aliyeongeza ukubwa wa makalio, kwa dawa za silkoni imewashtua wanawake wengi waliowahi kutumia aina yoyote ya madawa hayo. Taarifa hiyo ilieleza kuwa madawa hayo badala ya kumfanya mwanamke awe laini, video hiyo inaelezea namna ukuaji wa haraka wa makalio pamoja na kuathirika huku yakiachwa katika sura mbaya sehemu za nyuma (chini) baada ya muda mfupi. Imebainika kuwa pamoja na dawa za kuongeza ukubwa wa makalio ya akina dada kupendwa, dawa hizo pia zina madhara kwa afya ya binadamu. Wataalamu wa mambo wanadai kwamba pamoja na kuongeza ukubwa wa makalio pia dawa huleta matatizo ya kuvimba kwa ngozi ya makalio katika mpangilio usio sahihi. Dawa hizo pia zimetajwa kuwa husababisha kwa uwepo mkubwa wa ugonjwa wa  saratani. Video hiyo ya sekunde 20, inamwonyesha mwanamke ali
Read more