NELSON MANDELA ALAZWA HOSPITALI KWA AJILI YA KUFANYIWA VIPIMO

NELSON MANDELA
ALIYEKUWA Rais wa Afrika Kusini, Nelson Mandela ametumia usiku katika hospitali katika mji mkuu wa Pretoria.

Kwa mujibu wa taarifa zilizopatikana jana, Mandela mwenye umri wa miaka 94 alilazwa hospitalini Jumamosi iliyopita kwa ajili ya kufanyiwa vipimo.

Msemaji wa Rais Jacob Zuma, alisema atatoa taarifa zaidi kuhusu hali ya Mandela, baada ya madaktari wake kumaliza kumfanyia vipimo na kutoa taarifa yao ya kitaalamu.
Katika taarifa hiyo ya awali, Ofisi ya Rais Zuma ilisema Mandela alikuwa akiendelea vizuri na kwamba kulikuwa “hakuna sababu ya kuwa na mashaka”.

Mandela anahitaji matibabu “Mara kwa mara ambayo ni thabiti kutokana na umri wake,” iliongeza taarifa hiyo.

Hakuna taarifa kamili juu ya nini kilichosababisha kufikishwa hospitali na haikuwekwa wazi kuwa ni wakati gani Mandela ataruhusiwa kutoka hospitalini.

Associated Press liliripoti kuwa wanamaombi walikusanyika katika Kanisa Katoliki la Regina Mundi katika eneo la Soweto huko Johannesburg kwa ajili ya kumfanyia maombi Mandela.

Kanisa hilo lilikuwa kitovu cha mikusanyiko ya kiimani na kufanya maziko ya watu waliouawa katika maandamano ya kudai haki wakati wa kipindi cha ubaguzi wa rangi nchini humo.
Mandela alistaafu kutoka shughuli za umma mwaka 2004 na tangu wakati huo imekuwa nadra kuonekana hadharani katika mikusanyiko ya umma.

Aliwahi kuwa rais wa kwanza mweusi wa Afrika Kusini kati ya 1994 na 1999, na alipata Tuzo ya Nobel mwaka 1993.

Hiyo ilikuwa baada ya kutumia zaidi ya miongo miwili jela chini ya utawala wa wazungu wachache wa ubaguzi wa rangi.

Kwa mara ya mwisho Mandela alilazwa katika hospitali mwezi Februari mwaka huu, kw aajili ya kumpatia matibabu kutokana na tatizo la tumbo lililokuwa likimkabili.
Januari 2011 alipatiwa pia matibabu makubwa kutokana na tatizo la maambukizi ya ugonjwa wa kifua.
Mandela amekuwa akitumai muda wake mwingi kupumzika katika kijiji cha Qunu, ambacho ndiko alikozaliwa.Chanzo gazeti la Mwananchi

Comments

Post a Comment

Popular posts from this blog

KATI YA KUKU NA YAI KIPI KILITANGULIA?

Image
Kati ya Kuku na Yai Kipi Kilianza? Mjadala wa miaka mingi kuhusiana na kipi kilitokea mwanzo kuku au yai? umepata jibu baada ya wanasayansi kuthibitisha kuwa kuku ndiye aliyekuwepo awali kabla ya yai. Mjadala wa miaka nenda rudi kuwa kuku na yai kipi kilitangulia duniani umepatiwa jibu na wanasayansi wa nchini Uingereza ambao wamethibitisha kuwa kuku ndiye aliyekuwepo mwanzo kabla ya yai. Kwa kuangalia jinsi ganda la yai lilivyotokea, wanasayansi wa nchini Uingereza wanaamini wamepata jibu la mjadala huo. Watafiti katika vyuo vikuu vya Sheffield na Warwick nchini Uingereza wamegundua kuwa protini inayoitwa ovocleidin (OC-17) ni muhimu sana katika kutengenezwa kwa gamba la yai. Lakini protini hiyo hupatikana toka kwenye ovari ya kuku mwenye ujauzito. Kwa maana hiyo yai lisingekuwepo kama kusingekuwa na protini ambayo inatoka kwa kuku mjamzito. Watafiti hao waliongeza kuwa protini ya OC-17 husababisha calcium carbonate kwenye mwili wa kuku ibadilike kuwa calcite crys
Read more

NGUO ZA NDANI ZINAZOBANA KWA WANAUME ZINAATHIRI UWEZO WA MBEGU ZA KIUME KUWEZA KUTUNGA MIMBA

Image
MEN BOXER TAFITI za kisayansi zimebaini kuwa nguo za ndani hasa zinazobana kwa wanaume na zile za aina ya nailoni (nylon) zinaathiri uwezo wa mbegu za kiume, hivyo kushindwa kutunga mimba. Utafiti huo uliofanyika katika nchi za Ufaransa na Uingereza na kuchapishwa katika Gazeti la Daily Mail la Uingereza unabainisha kuwa, wanaume wanaovaa nguo za ndani zinazobana na zile zilizotengezwa kwa malighafi ya nailoni, mbegu zao za kiume (manii) huwa nyepesi na kupoteza uwezo wa kutunga mimba. Vazi la ndani la wanaume linalojulikana kama boksa na nguo nyingine za ndani za kubana zenye asili ya nailoni, zinakuwa na athari kubwa zaidi hasa zinapovaliwa katika sehemu zenye joto, kama Dar es Salaam. Kutokana na matokeo hayo, wanasayansi wameonya kuwa wanaume wanapaswa kuchukua tahadhari, hasa kutokana na tafiti nyingi za karibuni kuthibitisha kuongezeka kwa matatizo ya mbegu za kukosa uwezo wa kutunga ujauzito katika nyumba ya uzazi ya mwanamke. Akizungumzia utafiti huo jan
Read more

MADHARA YA KUTUMIA DAWA ZA SILKONI KUONGEZA MAKALIO KWA WANAWAKE

Image
Madhara ya Dawa za Kuongeza Makalio NEW YORK, Marekani VIDEO iliyoonyweshwa mwishoni mwa wiki katika mitandao mbalimbali ya kijamii, ambayo ilielezea madhara ya taratibu anayoyapata mwanamke aliyeongeza ukubwa wa makalio, kwa dawa za silkoni imewashtua wanawake wengi waliowahi kutumia aina yoyote ya madawa hayo. Taarifa hiyo ilieleza kuwa madawa hayo badala ya kumfanya mwanamke awe laini, video hiyo inaelezea namna ukuaji wa haraka wa makalio pamoja na kuathirika huku yakiachwa katika sura mbaya sehemu za nyuma (chini) baada ya muda mfupi. Imebainika kuwa pamoja na dawa za kuongeza ukubwa wa makalio ya akina dada kupendwa, dawa hizo pia zina madhara kwa afya ya binadamu. Wataalamu wa mambo wanadai kwamba pamoja na kuongeza ukubwa wa makalio pia dawa huleta matatizo ya kuvimba kwa ngozi ya makalio katika mpangilio usio sahihi. Dawa hizo pia zimetajwa kuwa husababisha kwa uwepo mkubwa wa ugonjwa wa  saratani. Video hiyo ya sekunde 20, inamwonyesha mwanamke ali
Read more