MBUNGE WA VITI MAALUMU ESTER BULAYA (CCM) AMEITAKA SERIKALI KUONDOA URASIMU ILI KUTOA HABARI KWA MUDA UNAOTAKIWA KWA WANAHABARI WANAPOZIHITAJI

Bungeni Dodoma
MBUNGE wa Viti Maalumu, Ester Bulaya (CCM), jana aliitaka serikali kuondoa urasimu ili iweze kutoa habari kwa wakati na muda unaotakiwa pindi wanahabari wanapozihitaji.

Bulaya alitoa kauli hiyo jana bungeni alipouliza swali la nyongeza ambapo alisema kuwa kumekuwa na ukiritimba wa utoaji wa habari kwa taasisi za serikali hali inayosababisha upatikanaji wa habari kuwa ni mgumu.

“Mheshimiwa Spika, serikali imekuwa na ukiritimba mkubwa kwa taasisi zake kutoa habari kwa waandishi pale wanapohitaji, ingawa ni haki yao lakini wanazungushwa na kusababisha habari zinaandikwa upande mmoja, naomba serikali ituambie ni kwa nini hawatoi habari?” alihoji Bulaya.

Katika swali la msingi, Mbunge wa Tumbe Rashid Ali Abdallah (Cuf) alitaka kujua ni waandishi wangapi wanamaliza mafunzo yao kila mwaka.

Mbunge huyo pia alihoji ni waandishi wangapi wanaoajiriwa na serikali na wangapi wameajiriwa na serikali na hatimaye kuacha kazi.

Naibu Waziri wa Habari, Vijana, Utamaduni na Michezo Amos Makala alisema hadi sasa Tanzania inavyo vyuo vinavyofundisha taaluma ya habari na Mawasiliano ambavyo vinatambulika na Baraza la Taifa la Ufundi vipatavyo vinane.

Alisema katika vyuo hivyo, vipo vyuo vikuu vinne ambavyo vinatoa taaluma hiyo na vyuo vingine vinatoa taaluma hiyo kwa ngazi ya cheti.

Kuhusu idadi ya wanafunzi wanaomaliza vyuo vya habari na mawasiliano kila mwaka nchini ni kubwa ingawa idadi ya wanaoajiliwa ni ndogo.

“Mathalani, katika shule kuu za uandishi wa habari na mawasiliano ya umma wastani wa wanafunzi mia moja wanamaliza masomo na kutunukiwa shahada na stashahada zao kila mwaka kuanzia miaka ya 2002/2003 hadi 2011/12,” alisema Makala.

Alisema serikali imeajiri waandishi wa habari zaidi ya mia tatu wanaofanya kazi kama maofisa habari na mawasiliano katika wizara, idara zinazojitegemea, mamlaka, wakala na taasisi mbalimbali za serikali.
Alibainisha kuwa idadi ya waandishi wa habari ambao wameajiriwa na serikali na hatimaye wakaacha kazi serikalini bado ni ndogo.

Akizungumzia ukiritimba wa utoaji habari katika taasisi za serikali, waziri alisema tayari wito ulishatolewa kwa watumishi wote kutoa habari kama zinavyotakiwa kwa kuwa ni haki ya waandishi kuzipata.
chanzo: Tanzania Daima

Comments

Post a Comment

Popular posts from this blog

KATI YA KUKU NA YAI KIPI KILITANGULIA?

Image
Kati ya Kuku na Yai Kipi Kilianza? Mjadala wa miaka mingi kuhusiana na kipi kilitokea mwanzo kuku au yai? umepata jibu baada ya wanasayansi kuthibitisha kuwa kuku ndiye aliyekuwepo awali kabla ya yai. Mjadala wa miaka nenda rudi kuwa kuku na yai kipi kilitangulia duniani umepatiwa jibu na wanasayansi wa nchini Uingereza ambao wamethibitisha kuwa kuku ndiye aliyekuwepo mwanzo kabla ya yai. Kwa kuangalia jinsi ganda la yai lilivyotokea, wanasayansi wa nchini Uingereza wanaamini wamepata jibu la mjadala huo. Watafiti katika vyuo vikuu vya Sheffield na Warwick nchini Uingereza wamegundua kuwa protini inayoitwa ovocleidin (OC-17) ni muhimu sana katika kutengenezwa kwa gamba la yai. Lakini protini hiyo hupatikana toka kwenye ovari ya kuku mwenye ujauzito. Kwa maana hiyo yai lisingekuwepo kama kusingekuwa na protini ambayo inatoka kwa kuku mjamzito. Watafiti hao waliongeza kuwa protini ya OC-17 husababisha calcium carbonate kwenye mwili wa kuku ibadilike kuwa calcite crys
Read more

NGUO ZA NDANI ZINAZOBANA KWA WANAUME ZINAATHIRI UWEZO WA MBEGU ZA KIUME KUWEZA KUTUNGA MIMBA

Image
MEN BOXER TAFITI za kisayansi zimebaini kuwa nguo za ndani hasa zinazobana kwa wanaume na zile za aina ya nailoni (nylon) zinaathiri uwezo wa mbegu za kiume, hivyo kushindwa kutunga mimba. Utafiti huo uliofanyika katika nchi za Ufaransa na Uingereza na kuchapishwa katika Gazeti la Daily Mail la Uingereza unabainisha kuwa, wanaume wanaovaa nguo za ndani zinazobana na zile zilizotengezwa kwa malighafi ya nailoni, mbegu zao za kiume (manii) huwa nyepesi na kupoteza uwezo wa kutunga mimba. Vazi la ndani la wanaume linalojulikana kama boksa na nguo nyingine za ndani za kubana zenye asili ya nailoni, zinakuwa na athari kubwa zaidi hasa zinapovaliwa katika sehemu zenye joto, kama Dar es Salaam. Kutokana na matokeo hayo, wanasayansi wameonya kuwa wanaume wanapaswa kuchukua tahadhari, hasa kutokana na tafiti nyingi za karibuni kuthibitisha kuongezeka kwa matatizo ya mbegu za kukosa uwezo wa kutunga ujauzito katika nyumba ya uzazi ya mwanamke. Akizungumzia utafiti huo jan
Read more

MADHARA YA KUTUMIA DAWA ZA SILKONI KUONGEZA MAKALIO KWA WANAWAKE

Image
Madhara ya Dawa za Kuongeza Makalio NEW YORK, Marekani VIDEO iliyoonyweshwa mwishoni mwa wiki katika mitandao mbalimbali ya kijamii, ambayo ilielezea madhara ya taratibu anayoyapata mwanamke aliyeongeza ukubwa wa makalio, kwa dawa za silkoni imewashtua wanawake wengi waliowahi kutumia aina yoyote ya madawa hayo. Taarifa hiyo ilieleza kuwa madawa hayo badala ya kumfanya mwanamke awe laini, video hiyo inaelezea namna ukuaji wa haraka wa makalio pamoja na kuathirika huku yakiachwa katika sura mbaya sehemu za nyuma (chini) baada ya muda mfupi. Imebainika kuwa pamoja na dawa za kuongeza ukubwa wa makalio ya akina dada kupendwa, dawa hizo pia zina madhara kwa afya ya binadamu. Wataalamu wa mambo wanadai kwamba pamoja na kuongeza ukubwa wa makalio pia dawa huleta matatizo ya kuvimba kwa ngozi ya makalio katika mpangilio usio sahihi. Dawa hizo pia zimetajwa kuwa husababisha kwa uwepo mkubwa wa ugonjwa wa  saratani. Video hiyo ya sekunde 20, inamwonyesha mwanamke ali
Read more